fbpx
Home > इतर घडामोडी > मतदान करण्यासाठी सुटी, सवलत

मतदान करण्यासाठी सुटी, सवलत

लोकसभा निवडणुकीसाठी मतदारांना मतदानाच्या दिवशी मतदान करण्यासाठी सुटी किंवा दोन तासांची सवलत देण्यात येणार असून, या संदर्भात शासनाने आदेश काढले आहेत. 

मतदानाच्या दिवशी मतदारांना मतदानाचा हक्क बजावता यावा, यासाठी भरपगारी सुटी देण्यात येते किंवा काही ठिकाणी कामाच्या तासांत योग्य ती सवलत देण्यात येते, मात्र गेल्या काही निवडणुकांमध्ये असे दिसून आले की संस्था, आस्थापना भरपगारी सुटी किंवा सवलत देत नाहीत. त्यामुळे अनेक मतदारांना मतदानापासून वंचित रहावे लागले. त्यामुळे निवडणूक आयोगाच्या आदेशानुसार उद्योग, ऊर्जा व कामगार विभागांतर्गत येणाऱ्या सर्व आस्थापना, कारखाने, दुकानांमधील कर्मचारी, निवासी हॉटेल, खाद्यगृहे, नाट्यगृहे, व्यापारी, औद्योगिक उपक्रम, खाजगी कंपन्यांमधील कर्मचारी किंवा इतर आस्थापना, माहिती तंत्रज्ञान कंपन्या, शॉपिंग सेंटर, मॉल्स आदींमधील कर्मचाऱ्यांना भरपगारी सुटी किंवा अपवादात्मक परिस्थितीत कामगार, अधिकाऱ्यांना पूर्ण दिवस सुटी देणे शक्य नसेल तर, मतदान क्षेत्रातील कामगारांना मतदानाचा हक्क बजावण्यासाठी सुटीऐवजी केवळ दोन, तीन तासांची सवलत देण्यात येणार आहे.

Leave a Reply

Your email address will not be published. Required fields are marked *